Memleket basshysy Qasym-Jomart Toqaevtyń ókimimen Marat Kenjeǵalıuly Áshim Qazaqstan Respýblıkasy Prezıdentiniń Protokol qyzmetiniń bastyǵy laýazymyna taǵaıyndaldy, dep habarlaıdy Egemen.kz Aqordanyń baspasóz qyzmetine silteme jasap.
Buǵan deıin bul qyzmetti Dmıtrıı Mıhno atqarǵan edi.
Protokol qyzmeti Prezıdenttiń el ishindegi óńirlerge jáne sheteldik jumys saparlaryn, sondaı-aq basqa da ishki jáne halyqaralyq is-sharalardy daıyndap, ótkizedi.
Sondaı-aq Memleket basshysynyń atynan shet memleketterdiń prezıdentteri men úkimet basshylaryna, shet memleketterdiń kórnekti saıası jáne qoǵam qaıratkerlerine túrli joldaýlar daıyndaıdy.