Astanada jyldaǵy dástúr boıynsha kómekke muqtaj azamattarǵa azyq-túlik sebetteri tapsyrylady, dep habarlaıdy Egemen.kz elorda ákimdiginiń resmı saıtyna silteme jasap.
«Búgin Astana ákimdigi men PetroRetail kompanııasy arasynda ózara is-qımyl týraly Memorandýmǵa qol qoıyldy. Memorandým sheńberinde osy jyldyń sońyna deıin kompanııa elordanyń muqtaj otbasylaryna 4 myń dana azyq-túlik jıyntyǵy túrinde kómek kórsetetin bolady. Osy aıda Naýryz meıramynyń qurmetine myń otbasy kómek alady», dedi elorda ákiminiń orynbasary Eset Baıken.
Astana qalasy ákiminiń orynbasary aksııa uıymdastyrýshylary muqtaj azamattarǵa kómektesip qana qoımaı, búkil el boıynsha orta jáne iri bıznes sýbektilerin qaıyrymdylyqqa erekshe nazar aýdarýǵa jáne belsendi bolýǵa shaqyrýǵa nıetti ekenin aıtty.
«Qazaq Oil saýda brendimen PetroRetail kompanııasy Naýryz merekesi qarsańynda Astana ákimdigimen birlesip, qaıyrymdylyq aksııasyn ótkizý jáne oǵan muqtaj jandarǵa kómek kórsetý týraly sheshim qabyldady. Naýqan bir rettik emes. Bizdiń bastamamyz kompanııamyzdyń qaǵıdattaryna sáıkes keledi. Biz ózimizdi áleýmettik jaýapty bıznes retinde sanaımyz. О́zgeleri bul bastamany qoldaıdy dep oılaımyn», dep atap ótti óz kezeginde PetroRetail bas dırektory Tólemis Shotanov.
Eriktiler men qarapaıym turǵyndar qazir jalǵyzbasty zeınetkerlerdiń, ardagerlerdiń, erekshe qajettilikteri bar balalardy tárbıelep otyrǵan kópbalaly otbasylardyń, az qamtylǵan otbasylardyń jáne halyqtyń áleýmettik osal toptaryndaǵy basqa adamdardyń úılerine myńnan astam sebet tapsyrdy. Myń qoraptyń árqaısysynda eń qajetti ónimder bar — un, qant, maı, makaron, qaraqumyq, kúrish jáne t.b. qajetti taýarlary bar azyq-túlik jıyntyqtary segiz aýyr júkke tıelgen.
«Qaıyrymdylyq aksııasyn uıymdastyrýshylarǵa alǵysymyz sheksiz. Bul bizge jáne basqa otbasylarǵa úlken kómek. Naýryz merekesi qarsańynda osyndaı ıgi is jasaldy. Biz ákimdik pen kásipkerler tarapynan únemi kómek pen qoldaý alyp otyramyz. Bizdiń jaǵdaıymyzdy baqylaýda ustap otyrǵandaryńyzǵa raqmet!», dedi kópbalaly ana Zýlfııa Tileýova.
Astanalyq Lıýdmıla Sımakova da qaıyrymdylyq aksııasy aıasynda azyq-túlik sebetin aldy. Ol uıymdastyrýshylar men eriktilerge kórsetken kómegi úshin alǵysyn bildirdi.
«Elordamyzda jáne elimizde jaǵdaıymyz keremet bolsyn. Merekelik kóńil-kúı syılaǵandaryńyzǵa rahmet. Osy jáne basqa da qaıyrymdylyq sharalary uıymdastyrylyp jatqanyna alǵys aıtamyz», dedi ol.