Qazaqstan Respýblıkasy Parlamenti Májilisi men jergilikti máslıhattar depýtattaryn saılaýǵa Qonaev garnızonyna qarasty áskerı bólimderde qyzmeti men boryshyn atqaryp júrgen 5 myńnan astam jaýyngerler de qatysty, dep habarlaıdy Egemen.kz.
Ofıserler, kelisimshart boıynsha áskerı qyzmetshiler jáne olardyń otbasy músheleri turǵylyqty jeri boıynsha saılaý ýchaskelerinde daýys berdi. Bir mezgilde birneshe áskerı bólimderdiń merzimdi áskerı qyzmetshileri úshin desanttyq-shabýyldaýshy brıgadanyń aýmaǵynda saılaý ýchaskesi uıymdastyryldy.
Olardyń arasynda birinshi ret daýys bergender de boldy. Solardyń biri, qatardaǵy jaýynger Danıl Ivanıskıı.
«Bıyl saılaýǵa alǵash ret qatystym. Men maqtanyshpen daýysymdy qýatty, turaqty, gúldengen el úshin, bolashaqqa senim úshin berdim. Búgin saılanǵan depýtattar memleketimizdiń odan ári damyp, órkendeýine laıyqty úles qosatynyna senimdimin», deıdi jaýynger Danıl.