Sınoptıkter 21-24 naýryzǵa arnalǵan aýa raıy boljamyn usyndy, dep habarlaıdy Egemen.kz.
Boljam boıynsha, Qazaqstan aýmaǵynyń basym bóligi antısıklon yqpalynda bolady, kún ashyq jáne birqalypty jyly bolady dep kútiledi. Respýblıkanyń ońtústigi men ońtústik-shyǵysynda, tómen atmosferalyq qysym aımaǵynda bultty aýa raıy saqtalady, naızaǵaı oınap, jańbyr jaýady.
«Respýblıkada tuman, ońtústik-batysta qumdy daýyl, ońtústikte jáne ońtústik-shyǵysta jel kúsheıedi. Temperatýralyq fonǵa keletin bolsaq, jyldyń osy mezgiline qolaıly bolady», delingen habarlamada.