Eńbek jáne halyqty áleýmettik qorǵaý mınıstri Tamara Dúısenova qazaqstandyqtardy kele jatqan Naýryz meıramymen quttyqtap, zor densaýlyq, baqyt pen qut-bereke tiledi, dep habarlaıdy Egemen.kz.
«Qurmetti otandastar, sizderdi kóktemniń eń jarqyn merekesi Ulystyń uly kúni – áz Naýryz meıramymen quttyqtaımyn!
Bul meıram biz úshin tabıǵat pen ómirdiń jańarýymen, qystan aman-esen shyǵyp, aǵaıyn-týystarmen kórisetin erekshe kúnniń biri. Zamanaýı Qazaqstan úshin bul aıtýly mereke barsha halyqty biriktiretin, tatýlyq pen qundylyqtardy nasıhattaıtyn kúnge aınaldy.
Kóktem merekesi sizderge tek qýanysh pen baqyt ákelsin. Shyn júrekten sizderge zor densaýlyq, qajymas qaırat, otbasylaryńyzǵa shattyq pen qut-bereke tileımin. Ulys oń bolsyn, aq mol bolsyn!», delingen mınıstr quttyqtaýynda.