Bas prokýratýra ókili Azamat Sarǵazın saılaý kúni úgit júrgizgen 5 adamnyń jaýapqa tartylǵanyn aıtty, dep habarlaıdy Egemen.kz.
«Saılaý kúni úgit júrgizgeni úshin ákimshilik quqyq buzýshylyq týraly kodekstiń 102-babymen 5 adam jaýapqa tartyldy. Olardyń ekeýi Shyǵys Qazaqstan oblysynda, qalǵan úsheýi Batys Qazaqstan, Pavlodar jáne Túrkistan oblystarynda», dedi A. Sarǵazın OSK-degi brıfıngte.
Eske sala keteıik, Ortalyq saılaý komıssııasy Parlament Májilisi depýtattarynyń kezekten tys saılaýynyń aldyn ala nátıjesin jarııalady.
Sondaı-aq bir mandatty okrýgter boıynsha Májilis depýtattarynyń tizimi belgili boldy.