Memleketter basshylary bir-birin qasıetti Ramazan aıynyń bastalýymen quttyqtap, Qazaqstan men Qatar halyqtaryna baq-bereke tiledi, dep habarlaıdy Egemen.kz Aqordanyń baspasóz qyzmetine silteme jasap.
Áńgimelesý barysynda saýda-ekonomıkalyq, ınvestısııalyq jáne gýmanıtarlyq salalardaǵy ekijaqty yntymaqtastyqty odan ári nyǵaıtý perspektıvalary talqylandy. Sondaı-aq Qatar Ámiriniń byltyr qazan aıynda Astanaǵa jasaǵan memlekettik sapary barysynda qol jetkizilgen ýaǵdalastyqtardy tıimdi júzege asyrý máselesine erekshe nazar aýdaryldy.Taraptar eki el arasyndaǵy ózara saýda-sattyq qarqynyn saqtaýǵa jáne qarjy salasyndaǵy ınvestısııalyq jobalardy iske asyrýǵa nıetti ekenin rastady.