2014 jylǵy 27 maýsym, Astana, Úkimet Úıi
Qazaqstan Respýblıkasynyń aýmaǵynan qara metaldardyń qaldyqtary men synyqtaryn áketýge ýaqytsha tyıym salý týraly
2008 jylǵy 25 qańtardaǵy Úshinshi elderge qatysty tarıftik emes retteýdiń biryńǵaı sharalary týraly kelisimniń 9-babyna jáne 2009 jylǵy 9 maýsymdaǵy Úshinshi elderge qatysty biryńǵaı kedendik aýmaqta taýarlarmen jasalatyn syrtqy saýdany qozǵaıtyn sharalardy engizý jáne qoldaný tártibi týraly kelisimniń 8-babyna sáıkes, qara metaldardyń qaldyqtary men synyqtarynyń ishki naryǵyndaǵy shekten tys jetispeýshilikti boldyrmaý maqsatynda Qazaqstan Respýblıkasynyń Úkimeti qaýly etedi:
1. Legırlengen bolattyń qaldyqtary men synyqtaryn, onyń ishinde totyǵýǵa tózimdi bolatyn (KO SEQ TN kodtary 7204 21 100 0, 7204 21 900 0) jáne basqasyn (KO SEQ TN kody 7204 29 000 0) qospaǵanda, qara metaldardyń qaldyqtary men synyqtaryn (KO SEQ TN kody 7204) áketýge alty aı merzimge ýaqytsha tyıym salý engizilsin.
2. Qazaqstan Respýblıkasy Qarjy mınıstrliginiń Kedendik baqylaý komıteti zańnamada belgilengen tártippen osy qaýlynyń 1-tarmaǵynyń oryndalýyn qamtamasyz etsin.
3. «Qazaqstan temir joly» ulttyq kompanııasy» aksıonerlik qoǵamy (kelisim boıynsha) zańnamada belgilengen tártippen osy qaýlynyń 1-tarmaǵyn iske asyrý jóninde sharalar qabyldasyn.
4. Qazaqstan Respýblıkasy Ekonomıka jáne bıýdjettik josparlaý mınıstrligi belgilengen tártippen:
1) qaýlynyń 1-tarmaǵynda kórsetilgen tyıym salýdyń engizilgeni týraly Eýrazııalyq ekonomıkalyq komıssııany habardar etsin;
2) Eýrazııalyq ekonomıkalyq komıssııanyń qaraýyna Keden odaǵyna qatysýshy basqa memleketterdiń osy qaýlynyń 1-tarmaǵynda kórsetilgen sharalardy qoldanýy týraly usynystardy engizsin.
5. Qazaqstan Respýblıkasy Syrtqy ister mınıstrligi osy qaýly qoldanysqa engizilgen kúninen bastap kúntizbelik oń tórt kúnniń ishinde Qazaqstan Respýblıkasynyń Úkimeti qabyldaıtyn syrtqy saýda qyzmetin retteý jónindegi sharalar týraly Eýrazııalyq ekonomıkalyq qoǵamdastyqtyń Integrasııalyq komıtetiniń Hatshylyǵyn habardar etsin.
6. Osy qaýly 2014 jylǵy 1 shildeden bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.