2014 jylǵy 26 aqpan, Astana qalasy
Memlekettik menshikte turǵan konsessııa obektilerin konsessıonerge ıelenýge jáne paıdalanýǵa berý qaǵıdalaryn bekitý týraly
«Konsessııalar týraly» Qazaqstan Respýblıkasynyń 2006 jylǵy 7 shildedegi Zańynyń 10-baby 7) tarmaqshasyna sáıkes buıyramyn:
1. Qosa berilip otyrǵan Memlekettik menshikte turǵan konsessııa obektilerin konsessıonerge ıelenýge jáne paıdalanýǵa berý qaǵıdalary bekitilsin.
2. Qazaqstan Respýblıkasy Qarjy mınıstrliginiń Memlekettik qaryz alý departamenti (K.B.Aqjanov) zańnamada belgilengen tártippen osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne onyń keıinnen resmı buqaralyq aqparat quraldarynda jarııalanýyn qamtamasyz etsin.
3. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasy Premer-Mınıstriniń orynbasary -
Qazaqstan Respýblıkasynyń Qarjy mınıstri B.SULTANOV.
Qazaqstan Respýblıkasy Premer - Mınıstriniń orynbasary –
Qazaqstan Respýblıkasy Qarjy mınıstriniń
2014 jylǵy 26 aqpandaǵy №78 buıryǵymen bekitilgen
Memlekettik menshikte turǵan konsessııa obektilerin
konsessıonerge ıelenýge jáne paıdalanýǵa berý
qaǵıdalary
1. Jalpy erejeler
1. Osy Memlekettik menshikte turǵan konsessııa obektilerin konsessıonerge ıelenýge jáne paıdalanýǵa berý qaǵıdalary (budan ári – Qaǵıdalar) «Konsessııalar týraly» Qazaqstan Respýblıkasynyń 2006 jylǵy 7 shildedegi Zańy 10-babynyń 7) tarmaqshasyna sáıkes ázirlendi jáne memlekettik menshikte turǵan konsessııa obektilerin konsessıonerge ıelenýge jáne paıdalanýǵa berýdiń tártibin aıqyndaıdy.
2. Konsessııa obektilerin konsessıonerge ıelenýge jáne paıdalanýǵa berý talaptary konsessııa shartynda kózdeledi.
3. Osy Qaǵıdalarda mynadaı negizgi uǵymdar paıdalanylady:
1) jergilikti atqarýshy organ (ákimdik) – oblystyń, respýblıkalyq mańyzy bar qalanyń jáne astananyń, aýdannyń (oblystyq mańyzy bar qalanyń) ákimi basqaratyn, óz quzyreti sheginde tıisti aýmaqta jergilikti memlekettik basqarýdy jáne ózin-ózi basqarýdy júzege asyratyn alqaly atqarýshy organ;
2) konsessıoner – konsessııa shartyn jasasqan, onyń ishinde óz qyzmetin birlesken qyzmet (jaı seriktestik) týraly shart negizinde júzege asyratyn, kásipkerlik qyzmetti júzege asyratyn jeke tulǵa jáne (nemese) zańdy tulǵa (memlekettik mekemeler men kvazımemlekettik sektor sýbektilerin qospaǵanda);
3) konsessııa – konsessııa obektilerin qurýǵa (rekonstrýksııalaýǵa) jáne paıdalanýǵa baǵyttalǵan, konsessıonerdiń qarajaty esebinen nemese konsedenttiń qosa qarjylandyrýy sharttarymen júzege asyrylatyn qyzmet;
4) konsessııa obektisi – konsessııa sharty boıynsha qurylatyn (rekonstrýksııalanatyn) jáne paıdalanylatyn, tizbege engizilgen áleýmettik ınfraqurylym men tirshilikti qamtamasyz etý obektileri;
5) konsessııa sharty – konsedent pen konsessıoner arasynda jasalatyn, taraptardyń quqyqtaryn, mindetterin jáne jaýapkershiligin, konsessııany iske asyrý sharttaryn aıqyndaıtyn jazbasha kelisim;
6) konsessıonerge ıelenýge jáne paıdalanýǵa berýge jatatyn konsessııa obektileri – memlekettik menshikke qabyldanǵan konsessııa obektileri;
7) respýblıkalyq menshikke bılik etý quqyǵyn júzege asyrý jónindegi ýákiletti memlekettik organ – ekonomıkanyń strategııalyq mańyzy bar salalarynda (aıasynda) respýblıkalyq menshik obektilerin basqarý, menshikti jekeshelendirý jáne onyń memlekettik monıtorıngi aıasynda óz quzyreti sheginde arnaıy atqarý jáne baqylaý fýnksııalaryn júzege asyratyn memlekettik organ;
8) tıisti salanyń ýákiletti memlekettik organy – memlekettik basqarýdyń tıisti salasyna (aıasyna) basshylyqty júzege asyratyn ortalyq atqarýshy organ;
9) iske qosylatyn keshen – memlekettik menshikke qabyldaýǵa, keıin konsessıonerge ıelenýge jáne paıdalanýǵa jatatyn konsessııa obektisiniń aıaqtalǵan bóligi.
4. Konsessııa obektisin memlekettik menshikke qabyldaǵannan keıin tıisti salanyń ýákiletti memlekettik organy nemese jergilikti atqarýshy organ (ákimdik) konsessııa obektisin konsessıonerge ıelenýge jáne paıdalanýǵa berýdi júzege asyrady.
5. Memlekettik menshikte turǵan konsessııa obektilerin konsessıonerge ıelenýge jáne paıdalanýǵa berýdi:
1) respýblıkalyq menshikke qatysty – respýblıkalyq menshikke bılik etý quqyǵyn júzege asyrý jónindegi ýákiletti organdy habardar ete otyryp tıisti salanyń ýákiletti memlekettik organy;
2) kommýnaldyq menshikke qatysty – jergilikti atqarýshy organ (ákimdik) júzege asyrady.
6. Konsessııa obektisi iske qosý keshenderine bólinip memlekettik menshikke qabyldanǵan jaǵdaıda konsessııa obektisin konsessıonerge ıelenýge jáne paıdalanýǵa berý konsessııa sharty taraptarynyń kelisimimen árbir iske qosý kesheniniń aıaqtalýy boıynsha bólek júzege asyrylady.
2. Memlekettik menshikte turǵan konsessııa
obektilerin konsessıonerge ıelenýge jáne paıdalanýǵa berý tártibi
7. Konsessııa obektisi memlekettik menshikke qabyldanǵannan keıin konsessıoner tıisti salanyń ýákiletti memlekettik organyna – respýblıkalyq menshikke jatatyn konsessııa obektilerine qatysty, jergilikti atqarýshy organǵa (ákimdik) – kommýnaldyq menshikke jatatyn konsessııa obektilerine qatysty, konsessııa shartyna sáıkes konsessııa obektisin konsessıonerge ıelenýge jáne paıdalanýǵa berý týraly ótinishpen júginedi.
8. Tıisti salanyń ýákiletti memlekettik organy nemese jergilikti atqarýshy organ (ákimdik) ótinish túsken kúnnen bastap 15 kúntizbelik kúnnen aspaıtyn merzimde tıisti salanyń ýákiletti memlekettik organy nemese jergilikti atqarýshy organ (ákimdik), konsessıoner jáne konsessııa obektisi bekitilgen memlekettik zańdy tulǵa arasynda konsessııa obektisin konsessıonerge ıelenýge jáne paıdalanýǵa qabyldap alý-berý aktisin resimdeıdi.
Konsessııa obektisin konsessıonerge ıelenýge jáne paıdalanýǵa qabyldap alý-berý aktisinde:
1) qabyldap alý-berý aktisi jasalǵan oryn jáne kúni;
2) ókilderi olarǵa sáıkes taraptardyń múddelerin bildirýge ýákiletti qujattardyń ataýy men derektemeleri;
3) konsessııa obektisin berý oǵan sáıkes júrgiziletin konsessııa shartynyń nómiri men qol qoıylǵan kúni;
4) beriletin konsessııa obektisiniń quny;
5) taraptardyń qoltańbalary men mórleri kórsetiledi.
Respýblıkalyq menshikke jatatyn konsessııa obektisine qatysty qabyldap alý-berý aktisi qabyldap alý-berý aktisin resimdeýge qatysatyn taraptardyń árqaısysy úshin, sondaı-aq málimetterdi memlekettik múlik tizilimine engizý maqsatynda respýblıkalyq menshikke bılik etý quqyǵyn júzege asyrý jónindegi ýákiletti memlekettik organ úshin bir-bir danadan qazaq jáne orys tilderinde jasalady.
Kommýnaldyq menshikke jatatyn konsessııa obektisine qatysty qabyldap alý-berý aktisi resimdeýge qatysatyn taraptardyń árqaısysy úshin bir-bir danadan qazaq jáne orys tilderinde jasalady.
3. Qorytyndy erejeler
9. Memlekettik menshikte turǵan konsessııa obektilerin konsessıonerge ıelenýge jáne paıdalanýǵa berý kezinde týyndaıtyn daýlar Qazaqstan Respýblıkasynyń zańnamasynda jáne konsessııa shartynda belgilengen tártippen qarastyrylady.
Buıryq Qazaqstan Respýblıkasynyń Ádilet mınıstrliginde 2014 jylǵy 2 sáýirdegi Normatıvtik quqyqtyq kelisimderdi memlekettik tirkeýdiń tizilimine №9291 bolyp engizildi.