Almatyda voleıboldan áıelderdiń Ulttyq lıga komandalary arasynda HHHI Qazaqstan chempıonatynyń jeńimpazdary anyqtaldy, dep habarlaıdy Egemen.kz.
Fınalda Iýrıı Panchenko jattyqtyratyn óskemendikter men serbııalyq maman Darko Dobreskov baptaıtyn «Qýanysh» (SQO) komandasy alańǵa shyqty.
Beısenbi kúni ótken alǵashqy match jankúıerlerdiń kóńilinen shyqty. «Altaı» men «Qýanysh» partııany kezek-kezek alyp otyrdy (25:23, 22:25, 26:24, 20:25). Sońǵy besinshi sette «Qýanysh» tórt matchboldy paıdalana almady. Esesine jınaqy oınaǵan, Sana Anarqulova bastaǵan óskemendikter 16:14 esebimen alǵa ozdy.
Búgingi oıyn da bes partııaǵa sozylyp, sheshýshi sette «Altaı» (25:18, 17:25, 23:25, 25:22, 15:11) basym tústi.
Osylaısha, «Altaı» qyzdary qatarynan jeti ret altyn júldege ıe boldy.
Segiz dúrkin el chempıony atanǵan «Jetisý» komandasy bul joly qola ıelendi. Al Elena Pavlovanyń qaramaǵyndaǵy taldyqorǵandyqtar úshinshi oryn úshin básekede «Ertis» (Pavlodar) komandasyn 3:0, 3:1 esebimen oısyratty.