Qazaq Air áýekompanııasy 26-29 naýryz aralyǵynda Astana – Novosibir, О́skemen – Novosibir baǵyttaryndaǵy reısterdi ýaqytsha toqtatty, dep habarlaıdy Egemen.kz.
Qazaq air baspasóz qyzmetiniń habarlaýynsha, Reseı Federasııasy avıasııalyq basshylyǵynyń halyqaralyq turaqty ushýlardy oryndaýǵa ruqsat berýden bas tartýyna baılanysty atalǵan baǵyttar boıynsha reıster ýaqytsha toqtatyldy.
«Jolaýshylarǵa bıletter qunyn tolyǵymen qaıtarý usynylady. Aqshany qaıtarý bıletterdi satyp alǵan jerde júzege asyrylady. Eger bılet avıakompanııadan satyp alynǵan bolsa, qaıtarý týraly ótinishti, brondaý nomeri men keri baılanys málimetterin info@flyqazaq.com poshtasyna joldaý qajet. Eger bılet agenttikte satyp alynǵan bolsa, sol agenttikke habarlasýyńyz kerek», delingen Qazaq air habarlamasynda.
Atalǵan áýekompanııa qolaısyzdyqtar úshin keshirim surady. Jolaýshylarǵa kesteniń aldaǵy ózgeristeri týraly qosymsha habarlanady.