Áskerı prokýrorlar Almatyda quny 6 mıllıard teńge bolatyn jer telimin memleketke qaıtardy, dep habarlaıdy Egemen.kz Bas áskerı prokýratýranyń baspasóz qyzmetine silteme jasap.
2014 jyly Almaty qalasynyń Medeý aýdanyndaǵy naryqtyq quny 6 mıllıard teńgeden astam, jalpy aýdany 3,8484 gektar jer ýchaskesi «Dostyq stroı» qurylys kompanııasy JShS-niń menshigine ótken.
«Alaıda bul ýchaske 7 jyldan asa ýaqyt boıy maqsatyna saı paıdalanylmaǵanyn eskere otyryp, áskerı prokýratýra organdary ony májbúrlep alyp qoıý týraly talap aryzben júgingen. 2022 jyldyń 24 qarashasynda Almaty qalasynyń mamandandyrylǵan aýdanaralyq ekonomıkalyq sotynyń sheshimi boıynsha, áskerı prokýratýranyń talap-aryzy qanaǵattandyrylyp, zańdy kúshine engen», delingen habarlamada.