Qasym-Jomart Toqaevtyń VIII saılanǵan Qazaqstan Respýblıkasy Parlamentiniń birinshi sessııasy ashylýyndaǵy sózi bastaldy, dep habarlaıdy Egemen.kz Aqordanyń baspasóz qyzmetine silteme jasap.
«Men bir jyl buryn, osy ǵımaratta halyqqa joldaýymdy jarııaladym. Elimiz úshin asa mańyzdy sátte saıası jańǵyrý baǵdarlamasyn usyndym. Bastamalarymyz jurttyń shynaıy qoldaýyna ıe boldy. Oǵan byltyrǵy referendýmda aıqyn kóz jetkizdik. Biz táýekelge bel býyp, birden iske kiristik. Bir jyldyń ishinde aýqymdy jumys atqaryldy», dedi Prezıdent.
Memleket basshysy Konstıtýsııalyq reforma arqyly búkil júıeni ózgertetin qadamdar jasalǵanyn atap ótti.
«Prezıdent jeti jylǵa bir ret qana saılanatyn boldy. Sondaı-aq Parlamenttiń quzyreti men qyzmeti qaıta qaraldy. Depýtattardyń róli edáýir kúsheıdi. Konstıtýsııalyq Sot quryldy. Búkil sot júıesine túbegeıli reforma jasaý bastaldy. Adamnyń quqyqtary men bostandyqtaryn qorǵaýǵa qatysty jumys jańasha sıpat aldy. Azamattardyń saıası ómirge emin-erkin aralasýyna jol ashyldy», dedi ol.