Jýyrda ótken Májilis jáne máslıhat saılaýynyń qorytyndysy boıynsha, Parlamentke túrli áleýmettik toptan shyqqan ókilderdiń kelýine jol ashylǵanyn baıqap otyrmyz. Bul týraly Qasym-Jomart Toqaev VIII saılanǵan Qazaqstan Respýblıkasy Parlamentiniń birinshi sessııasynda aıtty, dep habarlaıdy Egemen.kz.
«Endi partııalar elimizdiń bolashaǵyna zor yqpal etetin saıası úderistiń basy-qasynda júretin bolady. Májiliske bir mandatty okrýgten de depýtattar saılandy. Iаǵnı, Parlamentke túrli áleýmettik toptan shyqqan ókilderdiń kelýine jol ashyldy», dedi Prezıdent alǵashqy sessııa barysynda.
Memleket basshysynyń aıtýynsha, uzaq jyldan beri alǵash ret ózin-ózi usynǵan úmitkerler depýtat atandy.
«Birqatar azamat partııa atynan shyqqan úmitkerlerdi tartysty básekede jeńip shyqty. Osylaısha, elimizde demokratııa dástúri jańa deńgeıge kóterilip, nyǵaıa tústi. Saıası kúshterdiń bárine birdeı múmkindik beriletinine azamattardyń senimi artty», dep qosty Qasym-Jomart Kemeluly.