Elimizde taýar gazy tapshylyǵy baıqalǵan bolatyn. Prezıdent osy máselege nazar aýdaryp, ony únemdi paıdalanýdy eskertti, dep habarlaıdy Egemen.kz.
Qasym-Jomart Toqaev taýar gazy tapshylyǵy bolmaý úshin naryqty tıisti deńgeıde qamtamasyz etýdi jáne gaz tarıfine qatysty ózgerister engizýdi tapsyrdy.
«Byltyr taýar gazynyń tapshylyǵyna tap boldyq. Bul jaǵdaı búkil elimizdiń energetıkalyq qaýipsizdigine qater tóndire jazdady. Mundaı keleńsizdikke jol bermeý úshin naryqty gazben qamtamasyz etý kerek. Qazaqstanda gazdyń baǵasy kórshi memleketterge qaraǵanda áldeqaıda arzan. Sheteldegi sııaqty ártúrli tarıfterdi bizge de engizý múmkindigin qarastyrǵan jón.
Jalpy tómen tarıfter men tómen baǵalar ekonomıkamyzǵa teris yqpal etedi. Bólingen barlyq sýbsıdııalar kórshi elderge bosqa ketedi. Qanshalyqty qıyn bolsa da, bul máseleni birtindep sheshý qajet. Basqa jol joq. Qazirgi ýaqytta záýlim úılerin kúndiz-túni tómen tarıfpen jylytatyndar úshin jańa júıe boıynsha gazdyń tekshemetri qymbatyraq bolýǵa tıis. Áleýmettik ádildik degenimiz – osy», dedi Prezıdent.
Sonymen qatar Qasym-Jomart Kemeluly únemdeýdi úırený kerek dep qatań eskertti.
«Qolda bar shıkizatty paıdalaný tıimdiligin arttyrý mańyzdy. Kúndelikti turmysta da, memleket deńgeıinde de únemdep úırený kerek. Bul – álemdik tájirıbe. Onyń ózektiligi qazirgi kúrdeli geosaıası ahýal jaǵdaıynda kúsheıe tústi. О́ndiriste de, turmysta da gazdy arzan eken dep beı-bereket jaǵa berýge bolmaıdy. Muny doǵarý kerek. Úkimet Taýar gazynyń energetıkalyq tıimdiligin arttyrý jáne ony únemdi paıdalaný josparyn ázirleýi qajet», dedi Q. Toqaev.