Elimizde áskerı boryshyn ótep kelgender men ásker qataryndaǵy úzdik azamattarǵa birqatar jeńildik qarastyrylǵan, dep habarlaıdy Egemen.kz.
Qorǵanys mınıstrliginiń málimetinshe, áskerdegi boryshyn ótegen kez kelgen azamat elimizdiń joǵary oqý oryndaryna UBT-syz aqyly bólimine túse alady. Al ásker qataryndaǵy úzdikter tegin oqı alady. Olardy Qorǵanys mınıstrligi, UQK, Ulttyq ulan óz krıterıılerine saı anyqtaıtyn bolady.
Atalmysh jobany 30-ǵa jýyq otandyq JOO qoldaýǵa daıyn. Soǵan sáıkes sarbazdarǵa tegin oqýǵa múmkindik beretin JOO tizimi belgili boldy:
L.N.Gýmılev atyndaǵy Eýrazııa ulttyq ýnıversıteti; Astana IT University; «Turan Astana» ýnıversıteti; Qazaq tehnologııa jáne bıznes ýnıversıteti; Halyqaralyq ınjenerlik-tehnologııalyq ýnıversıteti; M.S.Nárikbaev atyndaǵy KAZGIýÝ ýnıversıteti; Q.I.Sátbaev atyndaǵy Qazaq ulttyq tehnıkalyq zertteý ýnıversıteti; Ál-Farabı atyndaǵy Qazaq ulttyq ýnıversıteti; Abylaı han atyndaǵy Qazaq halyqaralyq qatynastar jáne álem tilderi ýnıversıteti; Halyqaralyq aqparattyq tehnologııalar ýnıversıteti; Qazaqstan-Reseı medısına ýnıversıteti; Ǵ.Dáýkeev atyndaǵy Almaty energetıka jáne baılanys ýnıversıteti; D.A.Qonaev atyndaǵy Eýrazııalyq zań akademııasy; Halyqaralyq bilim berý korporasııasy Qazaq avtomobıl-jol ınstıtýty: Almaty menedjment ýnıversıteti; Caspian University Dene shynyqtyrý jáne buqaralyq sport akademııasy; Qazaq joldar jáne qatynastar ýnıversıteti; Turan ýnıversıteti; Azamattyq avıasııa akademııasy; M.Ospanov atyndaǵy Batys Qazaqstan medısınalyq ýnıversıteti.