1 sáýirden bastap el mektepterinde birinshi synypqa qujattar qabyldana bastaıdy, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.
Vedomstvonyń málimetinshe, birinshi synypqa barýǵa ótinish qabyldaý 1 sáýirde bastalyp, 1 tamyzǵa deıin jalǵasady. Memlekettik bilim berý qyzmeti egov.kz veb-portalynda jáne jergilikti atqarýshy organdardyń aqparattyq júıelerinde qoljetimdi.
Orta bilim berý komıtetiniń bas sarapshysy Erlan Maemerov birinshi synypqa ata-anasynyń nemese zańdy ókiliniń jeke ótinishi negizinde alty jastan bastap qabyldanatynyn, ótinishtiń ózi erikti túrde usynylatynyn atap ótti. Oǵan balanyń densaýlyǵy týraly anyqtama - №065/ý, balanyń densaýlyq pasporty 026/ý-3 jáne balanyń 3*4 formatyndaǵy fotosy (2 dana) kerek.
«О́tinishter demalys jáne mereke kúnderin qospaǵanda, dúısenbiden jumaǵa deıin qabyldanady. Sonymen qatar 1-2 sáýir demalys kúnderine sáıkes keletinin eskersek, túsken ótinishtiń barlyǵy 3 sáýirde qaralady», dedi Erlan Maemerov.
Jańa oqý jylynda 400 myńnan astam bala birinshi synypqa barady dep boljanyp otyr.