Memleket basshysynyń Jarlyǵynda keıin Ulttyq ǵylym akademııasy elimizdiń joǵary ǵylymı uıymy ekeni naqty aıtyldy. Akademııaǵa memlekettik mártebe berildi jáne álemniń barlyq jetekshi elderindeı Ǵylym akademııasynyń barlyq múshesiniń mártebesi de artatyn bolady. Ulttyq ǵylym akademııasy men úlken ǵylymnyń barlyq máselesi joǵary deńgeıde sheshiledi.
О́tken jyly Prezıdent Qasym-Jomart Toqaev Ulttyq ǵylym akademııasynyń mereıtoıynda ǵalymdardy uzaq jyl tolǵandyryp kelgen máseleniń núktesin qoıyp, akademııanyń mártebesin qaıtarýdy túbegeıli sheshken bolatyn. Otandyq ǵylymnyń, ǵalymdardyń, akademııanyń mártebesin kóterýge baǵyttalǵan qadam ǵalymdarǵa tyń serpilis beretini anyq. Endigi kezekte Ulttyq ǵylym akademııasy qaýipsizdik, prokýratýra, qarjy polısııasy, Qazaqstan strategııalyq zertteýler ınstıtýty qatarynda Prezıdenttiń tikeleı baqylaýynda bolady. Buǵan qosa ǵalymdardyń aldynda Prezıdent janynan qurylǵan Joǵary ǵylymı-tehnıkalyq komıssııamen birlesip jumys isteý mindeti tur.
Sońǵy otyz jyl ishinde elimizdiń ǵylym men tehnologııa salasy óte tómen deńgeıge túsip ketkeni belgili. Jyl saıyn jarııalanatyn ekonomıkalyq kúrdelilik «Garvard ındeksinde» Qazaqstannyń kórsetkishi mınýsqa deıin tómendep ketti. Al ǵalymdar sany 50 myńnan 20 myńǵa deıin azaıýy búgingi ǵylymnyń jaǵdaıyn aıqyndap tursa kerek. Keńes odaǵy tusynda Qazaqstan ǵylymy men tehnologııasy jaǵynan Reseıden keıin ekinshi orynda, Ýkraınamen qatar turdy.
Prezıdent VIII saılanǵan Parlament Májilisiniń birinshi sessııasynda sóılegen sózinde elimizde saıası reformalar júrgizip qana qoımaı, qoǵamdy túbegeıli ózgertý, adam kapıtaly, áleýmettik saıasatqa basymdyq berýdiń qajettiligin atap ótti. Al ómir sapasyn, ekonomıkany jaqsartý úshin jańa tehnologııalyq serpilister qajet.
Ázimhan SATYBALDIN,
Ǵylym jáne joǵary bilim mınıstrligi Ǵylym komıtetine qarasty Ekonomıka ınstıtýtynyń bas dırektory, akademık