Sońǵy kezdegi sebepti jaǵdaıǵa baılanysty Qytaıdan Ortalyq Azııaǵa deıingi júk aǵyny Altynkól stansasyna baǵyttalatyn boldy.
Atap aıtqanda, sáýir aıynyń 1-inen bastap «Qazaqstan temir joly» UK» AQ Dostyq – Moıynty ýchaskesiniń ekinshi joldaryn salý kezeńinde Qytaıdan Ortalyq Azııa elderine jáne Altynkól – Qorǵas pýnkti arqyly keri júk tranzıtiniń qozǵalysyn ýaqytsha qaıta baǵdarlaıtyn boldy. Bul sheshim taıaýda ótken Ortalyq Azııa jáne Qytaı elderi ókilderiniń qatysýymen bolǵan TJYU keńesinde aıtyldy.
Altynkól – Qorǵas ótkeli arqyly Qytaıdan Ortalyq Azııaǵa júk tasymaldaý Dostyq – Alashańqaı túıisýine qaraǵanda 500 shaqyrymǵa qysqa jáne 10-15 paıyzǵa arzan kórinedi. Qazirgi kúnde Dostyq – Alashańqaı túıisýi boıynsha tasymaldaý úlesi Ortalyq Azııada jalpy kólemniń 20 paıyzynan aspaı júr.
Altynkól jáne Qorǵas stansalary zamanaýı ınfraqurylymǵa ıe jáne júkterdi qabyldaý men berý úshin termınaldyq múmkindikteri de bar.