Beınematerıaldardyń birinde júrgizýshilerdiń jol qozǵalysy erejelerin buzý faktisi tirkelgen, dep habarlaıdy Egemen.kz Polisia.kz saıtyna silteme jasap.
Eki júrgizýshi rettelmegen jaıaý júrginshiler jolynan ótip bara jatqan qyzdy joldan ótkizbegen, qyz eki ret aman qalǵan.
Jaıaý júrginshige jol bermegeni úshin Hyundai Accent avtokóliginiń 36 jastaǵy júrgizýshisi jáne Volkswagen Touran avtokóliginiń 56 jastaǵy júrgizýshisi QR ÁQBtK-niń 600-baby 1-bóligi boıynsha ákimshilik jaýapkershilikke tartyldy. Árqaısysyna 10 AEK mólsherinde aıyppul salyndy. Sondaı-aq júrgizýshilermen osyndaı faktilerge jol bermeý týraly aldyn alý áńgimesi júrgizildi.
Polısııa júrgizýshilerge jol qozǵalysy erejelerin qatań saqtaý, jaıaý júrginshiler joldarynyń, avtobýstar men tramvaı aıaldamalarynyń janynda sergek jáne muqııat bolý týraly eskertedi.