1 sáýirde Kentaý qalasyndaǵy úsh qabatty turǵyn úıdiń tóbesi órtenip ketti. О́rt sóndirýshiler 50 adamdy evakýasııalady, dep habarlaıdy Egemen.kz.
О́rt ornyna Túrkistan oblysy TJD kúshteri men quraldary jiberildi. О́rttiń aýdany 4 sharshy metrdi qurady.
«О́rtti sóndirýge Túrkistan oblysy TJD О́rt sóndirý jáne avarııalyq-qutqarý jumystary qyzmetiniń jeke quramynyń 10 adamy men 4 tehnıkasy jumyldyryldy, olar órtti jedel joıyp, adamdardy qaýipsiz jerge kóshirdi», delingen oblystyq TJD taratqan habarlamada.
Oqıǵa ornynan 50 adam evakýasııalandy, onyń 10-y - bala.
Qazirgi ýaqytta órttiń sebebi men múliktik zalaly anyqtalýda.