Astana qalasy, «Jastar» saraıynda täuel[dı]sız jobasynyń HÏKAYA zamanaýı óner keshi ótti, dep habarlaıdy Egemen.kz.
täuel[dı]sız – ən men əýendi, bı men ónerdi poezııamen ushtastyrǵan art-joba.
Keshte adamzat pen jasandy zııat baılanysy, saıası ahýal, tabıǵat pen dil máselesi jáne álem nazaryn aýlaǵan sum soǵys medıasaýat turǵysynan sahnalanady. Zamanaýı qazaq poezııasynyń ókilderi – Ásel Káribaı, Tursynbek Bashar, Juldyz Moldaǵalı, Faızolla Tóltaı, Maqpal Jumabaı, Islam Qabyl, Ásem Qulmanova, Baýyrjan Maıtaı syndy aqyndardyń óleńderi oqyldy.
«täuel[dı]sız jobasy 2019 jyldan beri júzege asyrylyp keledi. Maqsaty – qoǵamdaǵy túrli áleýmettik, ózekti máselelerdi óner arqyly keń kópshilikke jetkizý. Sondaı-aq zamanaýı poezııa ókilderi — jas avtorlar men olardyń shyǵarmashylyǵyn tanytý», deıdi joba avtorlary.
Joba - 2021 jylǵy «Táýelsizdik urpaqtary» grantynyń jáne Halyqaralyq ARTIF Awards baıqaýynyń jeńimpazy.
«Bul joba ónerdi qurmetteıtin, táýelsiz jandardy jınaǵan orta. Biz bul keshke eki aı daıyndaldyq. Eńbegimiz aqtalyp, kesh kórermenniń kóńilinen shyqty degen senimdemiz», dedi joba uıymdastyrýshylary.