Bul týraly Densaýlyq saqtaý mınıstri Ajar Ǵınııat Úkimet otyrysynda aıtty, dep jazady Egemen.kz.
«Aýyldyq jerde densaýlyq saqtaýdy jańǵyrtý jumystary boıynsha bekitilgen Ulttyq joba sheńberinde 655 medısınalyq-sanıtarııalyq alǵashqy kómek obektisin salý, sondaı-aq jaraqtandyrý, kúrdeli jóndeý, rekonstrýksııalaý jolymen 32 kópbeıindi aýdandyq ortalyq aýrýhanany jańǵyrtý kózdeledi. Bul óz kezeginde aýyl turǵyndary úshin medısınalyq kómektiń qoljetimdiligin qamtamasyz etýge múmkindik beredi», dedi Ajar Ǵınııat.
Mınıstrdiń aıtýynsha, medısına mamandyǵynyń bedelin arttyrý sheńberinde birqatar is-shara júzege asyrylyp jatyr. Máselen, 2023 jyldan bastap úzdiksiz ıntegrasııalanǵan medısınalyq bilim berý baǵdarlamalaryn engizý kózdelgen.
Sonymen qatar 2023 jyldan bastap rezıdentýraǵa granttardy qosymsha 70%-ǵa ulǵaıtý bastaldy. Medısınalyq joǵary oqý oryndarynda bilim alýshylardyń stıpendııasy jyl saıyn 15-20%-ǵa ulǵaıtylady. Dárigerlerdiń jalaqysyn 30%-ǵa, orta medısına qyzmetkerleriniń jalaqysyn 20%-ǵa arttyrý josparlanǵan.