Jaqynda Serik Kúdebaevqa halyqaralyq izdeý jarııalandy. Onyń shekara asyp qashyp ketkeni anyqtaldy, dep habarlaıdy Egemen.kz.
Serik Kúdebaevtyń isin qarap jatqan Taldyqorǵan oblystyq soty oǵan izdeý jarııalanǵanyn málimdegen. Ol Qylmystyq kodekstiń 370-babynyń 4-bóliginiń 1-tarmaǵy «Aýyr zardaptarǵa ákep soqqan qyzmettegi áreketsizdik» boıynsha sotqa tartylǵan.
Alaıda sot otyrysy birneshe ret keıinge qaldyrylyp keldi. Aqyrynda onyń elden qashyp ketkeni belgili boldy. Alaıda UQQ Serik Kúdebaevqa izdeý jarııalanǵannan keıin onyń resmı jumys istep turǵan ótkizý pýnkteri arqyly Qazaqstan Respýblıkasynyń memlekettik shekarasynan ótpegenin habarlaǵan.
Alaıda Serik Kúdebaev Qyrǵyzstan arqyly úshinshi elge ketti degen aqparat tarady. Osy boıynsha UQK Shekara qyzmeti qyzmettik tekseristi bastady. Bul týraly UQK tóraǵasynyń orynbasary – Shekara qyzmetiniń dırektory, general-maıor Erlan Aldajumanov málimdedi.
Odan bólek, Shekara qyzmetiniń dırektory bul derek boıynsha qylmystyq is qozǵalǵanyn aıtty.