Búgin «Qazgıdromet» respýblıkanyń alty óńirinde qolaısyz aýa raıy bolatynyn aıtyp, eskertý jasady, dep habarlaıdy Egemen.kz.
Sınoptıkterdiń boljamyna qaraǵanda, Aqtóbe oblysynda tuman bolady.
Jetisý oblysynyń Alakól kólderi aýdanynda ońtústik-shyǵystan jel soǵady, kúshi 15-20, ekpini 23-28 m/s-qa jetedi. Oblystyń soltústiginde, ortalyǵynda, taýly aýdandarynda 4 gradýs úsik júredi.Qyzylorda oblysynyń ortalyǵynda, shyǵysynda naızaǵaı oınaıdy.
Túrkistan oblysynyń taýly aýdandarynda nóser jańbyr jaýady. Oblystyń ońtústiginde, batysynda, taýly jáne taý bókterli aýdandarynda naızaǵaı, burshaq. Ońtústik-shyǵystan ońtústik-batysqa aýysatyn jel soǵady, oblystyń ońtústiginde, batysynda, taýly jáne taý bókterli aýdandarynda 15-20, ekpini - 23 m/s.
Shymkentte keı ýaqytta naızaǵaı oınaıdy. Ońtústik-shyǵystan ońtústik-batysqa aýysatyn jel soǵady, ekpini 15-20 m/s-qa jetedi.
Jambyl oblysynyń batysynda, ońtústiginde, taýly aýdandarynda naızaǵaı oınaıdy. Ońtústik-batystan jel soǵady, oblystyń ońtústik-batysynda, soltústik-shyǵysynda, taýly aýdandarynda jel 15-20 m/s jyldamdyqpen soǵady.