Ál-Farabı atyndaǵy Qazaq ulttyq ýnıversıtetiniń Basqarma Tóraǵasy-rektor Janseıit Túımebaev QHR-dyń SNPC munaı kompanııasynyń Ortalyq Azııa jáne Qazaqstandaǵy prezıdenti Bıan Dechjımen kezdesip, yntymaqtastyq usynystaryn ortaǵa saldy.
Rektor qurmetti qonaqty ýnıversıtet jetistikterimen tanystyryp, qytaılyq joǵary oqý oryndarymen áriptestik baılanystardyń júıeli jolǵa qoıylǵanyn atap ótti.
– Ál-Farabı atyndaǵy QazUÝ-da ǵylymǵa erekshe kóńil bólinedi. Búginde ýnıversıtet ǵalymdary 100 ınnovasııalyq joba ázirlep shyqty. Qazirgi tańda ǵylymı jobalardy ilgeriletý jáne kommersııalandyrý baǵytynda jumystar júrgizilýde. QazUÝ qalashyǵynda Samsung, Hewlett-Packard, Cisco, Konisa Minolta, Fujitsu, Alcatel, Microsoft, «Kasperskıı zerthanasy», Huawei jáne t.b. joǵary tehnologııalyq kompanııalardyń sertıfıkattaý ortalyqtary, ınstıtýttary men akademııalary ornalasqan. Búginde QazUÝ QHR-dyń 43 joǵary oqý ornymen seriktestik ornatty. Ýnıversıtette Qytaıtaný kafedrasy men Konfýsıı ınstıtýty jumys isteıdi, – dedi rektor.
О́z kezeginde Bıan Dechjı myrza jyly qabyldaǵany úshin ýnıversıtet rektoryna alǵysyn bildirip, óz usynysyn ortaǵa salyp: «Ál-Farabı atyndaǵy QazUÝ – Qazaqstandaǵy kóshbasshy ýnıversıtet. Aldaǵy ýaqytta QazUÝ-men tyǵyz qarym-qatynasta bolyp, seriktestikti arttyrýǵa daıynbyz. Sonymen qatar Qytaı munaı ýnıversıteti QazUÝ-men seriktestik ornatqysy keledi. Atalǵan ýnıversıtet QHR-daǵy munaı salasynda maman daıarlaıtyn birden-bir jetekshi joǵary oqý orny bolyp tabylady. Eki ýnıversıtet arasyndaǵy seriktestik aldaǵy ýaqytta birlesip kadr daıarlaýǵa jáne qosdıplomdyq bilim berý baǵdarlamasyn júzege asyrýǵa sep bolady», dep atap ótti.
Júzdesý sońynda qos tarap atalǵan usynystardy josparly túrde iske asyrýǵa ýaǵdalasyp, estelik syılyqtarmen almasty. Janseıit Túımebaev qurmetti meımanǵa «QazUÝ-dyń 100 ınnovasııalyq jobalary» atty kitapty syıǵa tartyp, ýnıversıtet bazasynda CNPC kompanııasynyń keńsesin ashýdy usyndy.