Almatyda taǵy bir dámhananyń terrasasy súrildi, dep habarlaıdy Egemen.kz qala ákimdiginiń baspasóz qyzmetine silteme jasap.
Nazarbaev dańǵyly boıynda ornalasqan «Zdes ı seıchas» kafe-barynyń jazǵy terrasasy sot sheshimimen buzylyp jatyr.
«Menshik ıesi Bars Holding JShS memlekettik qordyń jerine ruqsatsyz terrasa turǵyzǵan. 2022 jyldyń 28 maýsymynda qala qurylysyn baqylaý bólimi bul jerdi buzý týraly mamandandyrylǵan aýdanaralyq ekonomıkalyq sotqa (ShOK) talap aryzben júgingen», dep habarlady qala ákimdigi.
Sot sheshimimen terrasa ruqsat etilmegen jerde turǵany rastalyp, ony buzý týraly talap aryz tolyǵymen qanaǵattandyrylǵan.
«2023 jyldyń 7 sáýirinde sot oryndaýshylarynyń qatysýymen nysandy buzý jumystary júrgizilip jatyr», dep atap ótti Almaty ákimdiginiń ókilderi.