Pavlodar balabaqshalarynyń birinde balany shapalaqpen urǵan tárbıeshi jumystan bosatyldy. Al mekeme basshysyna qatysty tártiptik jaza qoldanyldy, dep habarlaıdy Egemen.kz Pavlodarnews.kz-ke silteme jasap.
Áleýmettik jelide balabaqshada túsirilgen vıdeo tarap júr. Beınekadrdan tárbıeshiniń balany shapalaqpen soǵyp, kórpemen jaýyp jatqanyn kórýge bolady.
Pavlodar qalasynyń bilim berý bólimi balalarǵa dórekilik tanytý faktisi boıynsha №28 balabaqshada qyzmettik tergeý júrgizilgenin habarlady.
«Tergeý qorytyndysy boıynsha QR Eńbek kodeksiniń 52-baby 1-tarmaǵynyń 14-tarmaqshasyna sáıkes tárbıeshi teris sebeptermen jumystan shyǵaryldy», dep jazdy bilim berý bóliminen.
Sondaı-aq tárbıeshilerdiń qyzmetin baqylaýdy álsiretkeni úshin mektepke deıingi uıym basshysyna qatysty tártiptik jaza qoldanylǵan.