Astana qalasynda ótip jatqan grek-rım kúresinen eresekter arasynda Azııa chempıonatynda qazaqstandyq Nursultan Tursynov (87 keli) kúmis júldeger atandy, dep habarlaıdy Egemen.kz.
Ol fınalda ırandyq Naser Gasem Əlızadege ese jiberdi.
Qazaqstandyq balýan buǵan deıin jartylaı fınalda qyrǵyzstandyq Atabek Azısbekovti jeńse, shırek fınalda ózbekstandyq Jalǵasbaı Berdimuratovtan basym tústi.
Sondaı-aq búgin Álimhan Syzdyqov (130 keli) qola júlde úshin beldesedi.
Qazirge deıin el quramasynan Amanǵalı Bekbolatov (55 keli) pen Muhamedali Mamyrbek (63 keli) qola júlde aldy.
10 sáýirde grek-rım kúresinen qalǵan salmaqtarda júldeler sarapqa salynady.
Al 11-12 sáýirde áıelder kúresinen saıystar ótkiziledi.
Sáýirdiń 13 men 14 aralyǵynda erkin kúresten jarys óz máresine jetpek.