Biryńǵaı tólemdi esepteý tártibine ózgerister engizildi, dep habarlaıdy Egemen.kz.
«Salyq jáne bıýdjetke tólenetin basqa da mindetti tólemder týraly «Qazaqstan Respýblıkasynyń Kodeksine (Salyq Kodeksi) ózgerister men tolyqtyrýlar engizý týraly» jáne «Salyq jáne bıýdjetke tólenetin basqa da mindetti tólemder týraly «Qazaqstan Respýblıkasynyń Kodeksin (Salyq kodeksi) qoldanysqa engizý týraly» №213-VII 2023 jylǵy 20 naýryzdaǵy Qazaqstan Respýblıkasynyń Zańymen biryńǵaı tólemdi esepteý bóliginde salyq zańnamasyna ózgerister kózdelgen.
Rezıdent emes-jumyskerlerdiń tabysynan jeke tabys salyǵyn jáne áleýmettik tólemderdi esepteý jalpyǵa birdeı belgilengen tártippen júrgiziledi. Iаǵnı, rezıdent emes jeke tulǵalardyń tabysyn jumys berýshi biryńǵaı tólemmen salyqtandyrýǵa quqyǵy joq.
Endi biryńǵaı tólemdi bólshek salyq negizindegi arnaýly salyq rejımin qoldanatyn salyq tóleýshiler de tóleı alady.
Salyq kodeksine engizilgen tolyqtyrýlarǵa sáıkes, ýákiletti organ (QR EHÁQM) biryńǵaı tólemdi tóleý, aýdarý jáne qaıtarý qaǵıdalaryna biryńǵaı tólem boıynsha ósimpuldy tóleý, aýdarý jáne qaıtarý tártibin engizedi.
Joǵaryda atalǵan jańashyldyqtar 2023 jyldyń 1 qańtarynan bastap qoldanysqa enedi.