Bıyldan bastap Ekologııa mınıstrligine tabıǵatty qorǵaý zańnamasyn júıeli túrde buzatyn kásiporyndardyń jumysyn sot arqyly toqtatý quqyǵy berilgen. Mınıstrlik alǵash ret bul quqyqty Atyraý munaı óńdeý zaýytyna qatysty qoldanýy múmkin, dep habarlaıdy Egemen.kz.
«Qazir zańnamaǵa ózgertýler engizildi. Lastaný boıynsha jylyna eki retten asa buzýshylyq tirkelgen jaǵdaıda, sol kásiporynnyń jumysyn toqtatý týraly sheshimdi tolyǵymen qabyldaı alamyz. Bizde mundaı quzyret bar», dedi Ekologııalyq retteý jáne baqylaý komıteti tóraǵasynyń mindetin atqarýshy Aıdar Abdýalıev.
Onyń aıtýynsha sot Atyraý munaı óńdeý zaýytynan shyǵaryndylardyń paıdalanýǵa berilgen ekologııalyq ruqsatty bir aıǵa toqtatqan. Biraq ekinshi satydaǵy sot óndiriste tótenshe jaǵdaıdyń týyndaý qaýpin azaıtý úshin zaýyttyń tótenshe jaǵdaıda zań buzýshylyqqa jol bergenin alǵa tartqan.
«Qazirgi ýaqytta zaýytta tekserý júrip jatyr. Onyń qorytyndysy boıynsha basqa da zań buzýshylyqtar anyqtalsa, zaýyttyń jumysyn toqtatý týraly materıaldar qaıtadan sotqa joldanady. Tabıǵatty qorǵaý zańnamasyn buzǵan basqa kásiporyndardy da osyndaı jaza kútip tur», dep túıindedi spıker.