Qazaqstandyq tennısshi, álemniń jetinshi raketkasy Elena Rybakına «Jibek Joly» telearnasyna bergen eksklıýzıvti suhbatynda óziniń basty qarsylasy týraly aıtty, dep habarlaıdy Egemen.kz.
«О́te jaqsy oıynshylar kóp. Kóptegen sportshylarmen óte qıyn kezdesýler ótkizdim. Jyl basynan beri Arına Sobolenkomen osyndaı teketires bolǵan shyǵar. Biraq kóp oıynshylar bar, olarmen oınaý ońaı emes, biraq seniń jeńgiń keledi. Kreıchıkova óte myqty oıynshy, endi Ons Djaber oraldy, ol týrnırdi jańa ǵana jeńip aldy. Iga Shventek, árıne», deıdi Elena Rybakına.
Ol sondaı-aq básekelester kóp ekenin jáne kóp jumys isteý kerek ekenin aıtty.
Búgin tańerteń Memleket basshysy Qasym-Jomart Toqaev tennısshi Elena Rybakınany qabyldady. Qazaqstan Prezıdenti Ýımbldon jeńimpazy Elena Rybakınany Avstralııanyń ashyq chempıonatynda, Indıan-Ýells pen Maıamıde kórsetken tamasha ónerimen quttyqtap, sheberligi men jeńiske degen myzǵymas jigeri úshin alǵys aıtty. Keıin baspasóz máslıhatynda qazaqstandyq tennısshi Memleket basshysy oǵan naqyshtalǵan saǵat pen oramal syılaǵanyn aıtty.
Aıta keteıik, álemniń jetinshi raketkasy Elena Rybakına Qazaqstanǵa Bıllı Jan Kıng kýbogi aıasynda Polsha quramasymen kezdesýge kelgen bolatyn.
Bıllı Jan Kıng kýboginiń fınaldyq kezeńine shyǵý úshin Qazaqstan - Polsha matchy elordada 14-15 sáýirde ótedi. Qazaqstan quramasyna Rybakınadan bólek Iýlııa Pýtınseva, Anna Danılına, Gozal Aınıtdınova, Janel Rústemova jáne Arýjan Saǵyndyqova da usynyldy.