Azaptaýǵa qarsy birlesken kúsh-jiger qajet

Osy maqsatta prokýratýra organdary azap­taýdyń aldyn alýǵa qajet­ti normatıvtik jáne uıym­dastyrýshy­lyq jaǵdaı jasaý jumys­taryn bastady. Sonyń bir mysaly – keshe Bas prokýror Berik Asylov pen Adam quqyqtary jónin­degi ýákil Artýr Lastaev О́z­ara yntymaqtastyq týraly memorandýmǵa qol qoıdy. Budan bylaı prokýrorlar men adam quqyqtary jónindegi ýákil azaptaýlar­ǵa qarsy birlesip kúres júrgizbek.

Qujattyń maqsaty – tıimdi sharalar qabyldap, ortaq resýrstardy paıdalaný arqyly azaptaýlar men basqa da ruqsat etilmegen tergeý ádisteri­ne birlese qarsy turý. Atap aıtqanda, azamattar­dyń konstıtýsııalyq quqyqtaryn buzatyn alǵysharttardy anyqtaý jáne joıý úshin qylmys­tyq qýdalaý organdary men penıtensıarlyq mekemelerdiń ǵımarattary­na birlesip barý, adam quqyqtaryn qorǵaý jáne qalpyna keltirý tetikteri týraly túsindirý jumystaryn júrgizý, azamattardy jeke qabyldaý, aqparat almasý jáne basqa da birqatar shara josparlanyp otyr.

Aıta ketsek, Prezıdent tapsyrmasynan keıin Ys­tanbul hattamasynyń qaǵı­­­dat­taryna sáıkes ke­le­tin azap­taýlardy tergep-tek­serý­diń ádistemesi ázir­len­di. Quqyq qorǵaý or­gan­dary­nyń basshylary­­­men bir­lesip, qylmystyq úderis­­te jáne jazany oryndaý kezin­de azamattardyń kons­tıtý­sııalyq quqyqtary men bos­tan­dyqtarynyń aıaq­qa taptalmaýy úshin azap­taýlar týraly isterdi sotqa deıingi tergep-tekserý nusqaýlyǵy, sondaı-aq mindetti beınebaqylaý ere­jeleri bekitildi. Quqyq qor­ǵaý jáne túzeý mekeme­leri­niń «kórinbeıtin aımaq­tary» baqylaý kameralary­men jabdyqtalyp, sottal­ǵan­dardyń ótinish-shaǵym­daryn onlaın qabyldaı­tyn termınaldar ornatylady.

Sonymen qatar Azap­taýlarǵa qarsy is-qımyl boıynsha birinshi kezektegi sharalar jospary bekitildi. Onda aryzdardy táýlik boıy qabyldaý, jetkizý zań­dy­lyǵyna kenetten tekserister júrgizý jáne basqa aldyn alý sharalary kózdelgen. Búginde prokýratýra organdary azap­taýlardyń aldyn alý máse­leleri boıynsha quqyq qorǵaý ınstıtýttarymen ty­ǵyz ózara is-qımyl jasap jatyr.

Memorandým sheńberin­de taraptar birlesken is-sharalar ótkizýge, sonyń ishinde óńirlik deńgeıde de qajetti jumystardy qolǵa alýǵa nıetti. Bas prokýror Berik Asylov pen Adam quqyqtary jónindegi ýákil Artýr Lastaev ortaq min­detter men maqsattarǵa qol jetkizýde áriptestik qaty­nastardyń mańyzyn, bul qujat azamattardyń kons­tı­týsııalyq quqyqtaryn qorǵaý, onyń ishinde azap­taýlardyń aldyn alý máse­lelerinde ekijaqty yn­ty­maqtastyqqa jańa serpin beretinin atap ótti.