Qazaqstanda memlekettik qyzmetke kirý kezinde qazaq tilin bilýge arnalǵan test tapsyrý mindetti bolýy múmkin. Tıisti qujat «Ashyq NQA» portalynda jarııalandy, dep habarlaıdy Egemen.kz.
QR Ǵylym jáne joǵary bilim mınıstrligi Til saıasaty komıtetiniń portalynda «Qazaqstan Respýblıkasynda til saıasatyn damytýdyń 2023-2029 jyldarǵa arnalǵan tujyrymdamasyn bekitý týraly» Úkimet qaýlysynyń jobasyn ornalastyrdy.
«Memlekettik qyzmetshilerge, qyzmet kórsetý organdaryna jáne t.b. qyzmetke kirý kezinde «Qaztest» júıesi arqyly zańnamalyq testileýden ótý mindetteri engizilmegen. Bul máseleni qoldanystaǵy normatıvtik-quqyqtyq aktilerge tıisti ózgerister engizý arqyly sheshý qajet», delingen qujatta.
Memlekettik tildi meńgerý deńgeıin anyqtaý maqsatynda memlekettik jáne memlekettik emes uıymdarda jumys isteıtin sala mamandary «Qaztest» sertıfıkatyn alýǵa mindetteıtin normalardy engizýdi pysyqtaıtyny aıtyldy.
Joba 25 sáýirge deıin qoǵamdyq talqylaýda bolady.