Aýa raıynyń qolaısyzdyǵyna baılanysty respýblıkalyq trassalardyń 8 ýchaskesinde jol qozǵalysy shekteldi, dep habarlaıdy Egemen.kz QazAvtojoldyń baspasóz qyzmetine silteme jasap.
Aqmola, Aqtóbe jáne Pavlodar oblystarynda avtojoldar jabyldy.
Aqmola oblysyndaǵy jol qozǵalysyna shekteý engizilgen kúre joldar:
— «Ekaterınbýrg-Almaty» tasjolynda Jaqsy aýylynan Atbasar qalasyna deıin;— «Jaqsy-Esil-Buzulyq» tasjolynda Jaqsy aýylynan Buzylyq aýylyna deıin;— «Qostanaı-Áýlıekól-Surǵan» tasjolynda Qostanaı oblysy shekarasynan Surǵan aýylyna deıin;— «Jezqazǵan-Petropavl» tasjolynda Qostanaı oblysy shekarasynan Znamenka aýylyna deıin;— «Ekaterınbýrg-Almaty» tasjolynda Atbasar qalasynan Astrahanka qalasyna deıin.
Aqtóbe oblysynda aýa raıynyń nasharlaýyna baılanysty (qar aralas jańbyr, jel) kóliktiń barlyq túri úshin «Aqtóbe-Orsk» tasjolynyń Sh.Qaldaıaqova aýylynan Reseı Federasııasynyń shekarasyna deıingi aralyǵynda jol qozǵalysy ýaqytsha shekteldi.
Pavlodar oblysynda tómendegi kúre jol bólikteri jabyldy:— «Astana-Ereımentaý-Shiderti» tasjolynyń Aqmola oblysynyń shekarasynan Shiderti aýylyna deıingi aralyǵy;— «Qyzylorda-Pavlodar» tasjolynyń Qaraǵandy oblysynyń shekarasynan Pavlodar qalasyna deıingi aralyqta qozǵalys shekteldi.