Qazaqstan Respýblıkasy Syrtqy ister mınıstriniń orynbasary Roman Vasılenko tóraǵasy Tore Nerlend bastaǵan «Bike for Peace» úkimettik emes uıymynyń delegasııasyn qabyldady, dep habarlaıdy Egemen.kz.
Taraptar ıadrolyq qarýsyzdaný jáne jappaı qyryp-joıý qarýyn taratpaý máseleleri boıynsha pikir almasty.
R.Vasılenko 2045 jylǵa taman, ıaǵnı BUU qurylýynyń júz jyldyq mereıtoıyna oraı Qazaqstannyń ıadrolyq qarýdan azat álem qurýǵa baǵyttalǵan kúsh-jigerdegi dáıekti saıasaty týraly habardar etti. Sonymen qatar, dıplomat elimizde júzege asyrylyp jatqan ınstıtýsıonaldyq reformalar týraly jáne Ádiletti Qazaqstandy qurý turǵysynan parlamenttik saılaýdyń qorytyndylary týraly habarlady.
О́z kezeginde T.Nerlend álemniń túrli elderinde velotýrlar aıasynda saıasatkerlermen, qoǵammen, jastarmen ótkiziletin kezdesýleri barysynda ıadrolyq qarýsyz álemdi nasıhattaýǵa baǵyttalǵan «Bike for Peace» qozǵalysynyń qyzmeti týraly aıtyp berdi. 1977 jyly qozǵalys qurylǵannan beri barlyǵy 120-dan astam elde 250 velotýr uıymdastyryldy.
Norvegııalyq ÚEU basshysy Qazaqstan ıadrolyq arsenaldan óz erkimen bas tartýdyń úlgisi ekenin atap ótti.
«Bıyl jáne kelesi jyly biz Azııa elderi arqyly Nıý-Iork qalasyna deıin úlken velotýr uıymdastyrýdy josparlap otyrmyz jáne ol «Qazaqstanǵa qarańyz – olar ıadrolyq qarýdan bas tartty!» degen uranmen ótedi», dedi ol.