Elordada aýa temperatýrasynyń kúrt tómendeýi, jańbyr túrindegi jaýyn-shashyn men onyń qarǵa ulasýy, sonymen qatar, kóktaıǵaqtyń paıda bolýy kútiledi. Osy oraıda elordalyq polıseıler qala turǵyndary men qonaqtaryn jol qaýipsizdigi erejelerin qatań saqtaýǵa shaqyrdy, dep habarlaıdy Egemen.kz.
Osyǵan baılanysty júrgizýshilerden asa saq bolýdy, belgilengen jyldamdyqty qatań saqtaýdy, kenet tejeýge barmaýdy, qashyqtyq pen búıirlik qashyqtyqty saqtaýdy, jol belgileriniń talaptaryn saqtaýdy suraımyz. Aýa-raıynyń kúrdeli jaǵdaıyn eskere otyryp, qala syrtyndaǵy uzaq saparlardan bas tartýdy usynamyz. Múmkin bolsa, balama kólik túrin paıdalanyńyz.
Júrgizýshiler ǵana emes, jaıaý júrginshiler de erekshe saq bolýy kerek. О́z qaýipsizdigińiz úshin kóshelerdi belgilengen oryndardan kesip ótýge keńes beremiz. Joldarda júrý kezinde jeke qaýipsizdikti qamtamasyz etý úshin qosymsha sharalardy qabyldaý sharalaryn jasańyz.
Qurmetti jol qozǵalysy qatysýshylary, bir-birińizdi qurmetteńizder! О́zińizge jáne jaqyndaryńyzǵa qamqorlyq jasańyz!