Búgin tańerteń Rıdder turǵyndary páterlerindegi radıatordyń sýyp qalǵanyn baıqaǵan. Bul jaǵdaıǵa Rıdder jylý-elektr ortalyǵyndaǵy shtattan tys jaǵdaı sebep bolǵan, dep habarlaıdy Egemen.kz.
«Rıdder JEO» AQ-dan keletin tikeleı jelilik sýdyń temperatýrasy búgin nebári 31 gradýs bolǵan.
Keıin anyqtalǵandaı, jylý ortalyǵynda taǵy da shtattan tys jaǵdaı oryn alǵan.
«Búgin túnde joǵary qysymdy qazandyq apatty túrde ajyratylyp, rezervtegi qazandyq shuǵyl iske qosyldy. Jylý jelisindegi temperatýra birtindep kóteriledi», dedi Rıdder ákiminiń orynbasary Murat Baıjúmenov.2023 jylǵy 12 sáýirde Shyǵys Qazaqstan oblysynyń ákimi Danıal Ahmetov Rıdder JEO-nyń jańa ıeleri jóndeý, jańǵyrtý jáne 3,3 mlrd mólsherinde bereshekti óteý úshin eshbir áreket istemeı otyrǵanyn málimdedi.