Mánshúk Ibraeva – Yessenov University Ǵylym jáne tehnologııalar fakýlteti Jaratylystaný ǵylymdary kafedrasynyń professory, PhD doktory, ǵylym jolynda tájirıbesin jetildirgen maman. Onyń ǵylymı baǵyty – tabıǵı qosyndylardyń hımııasy nemese fıtohımııalyq zertteýler. Baǵyty boıynsha ósimdikterdiń quramynan dárilik zattardy alady. Osy ýaqytqa deıingi jetistiginiń biri - 2015 jyly Qytaıǵa baryp, artemızııa ósimdiginiń quramyn zerttep, bakterııaǵa qarsy ónim shyǵarǵan.
Al 2016 jyly Pákistandaǵy Karachı ýnıversıtetinde verbaským ósimdigine zertteý júrgizgen. Quramynan buryn álemde bolmaǵan jańa eki zat alyndy. Sol zattardan fıtopreparat daıyndaǵan. Ol leıshmanııa aýrýyna qarsy kúshti belsendilik kórsetti. Nátıjeleriniń barlyǵy patenttelgen bolatyn. Osylaısha SCOPUS bazasyna materıaldar shyqqan edi.
2022 jyldan bastap «Jas ǵalym» jobasy qolǵa alyndy. Joba boıynsha jyl saıyn 1000 grant bólinedi. Bıyl bul joba jalǵasýda. Aqtaýlyq ǵalym Mánshúk Ibraevanyń aıtýynsha, qazir «Jas ǵalym» jobasyna qatysyp, nátıjesin kútýde. Qazirgi tańda Mánshúk Ibraeva Mańǵystaý ósimdikteriniń quramyn zertteý úshin tájirıbelik-botanıkalyq baǵymen birlese jumys isteýge nıetti. Ǵalymnyń sózinshe, Mańǵystaý - arıdti zona, ósimdikteri ashy, bakterııalardy óltirýge jáne adam aǵzasyna paıdaly. Sondyqtan aldaǵy jospary boıynsha jergilikti jerde ósetin ósimdikterdiń quramyna zertteý júrgizip, jańa nátıje shyǵarmaq.
Aıta keteıik, elde 2022 jylmen salystyrǵanda ǵalymdardyń sany artýda, onyń ishinde 40 jasqa deıingi ǵalymdardyń úlesi 46%-ǵa jetken.