Murat Áýezovpen kezdesti

Jazýshy Muhtar Áýezovtiń uly Murat Áýezovti el-jurty mádenıet­ta­nýshy-ǵalym, dıplomat, memleket jáne qoǵam qaıratkeri retinde tanıdy. Ol hal­­qymyzdyń rýhanı mádenıetin da­my­­týǵa, Ortalyq Azııa halyqtarynyń ta­rıhı-mádenı qun­dylyqtaryn zerdeleý men nasıhattaýǵa ólsheýsiz úles qosty.  «1949 jyly naýryz aıynda Almatyǵa keldik, sol jyly kúzde qaladaǵy qazaq mektebine 1-synypqa bardym. 4-synypta orys mektebine aýysýǵa týra keldi. Árip tanyǵan kúnnen bastap ákem maǵan qazaq ádebıeti men tarıhyn tanytýǵa den qoıdy. Qazaqtyń uly aqyny Maǵjan Jumabaev týraly alǵash mektepte oqyp júrgenimde ákem men anamnan estidim. Anam Fatıma Ǵabıtova aqynjandy edi. Maǵjan, Ilııastar ustalyp ketse de olardyń shyǵarmalaryn kóziniń qarashyǵyndaı qor­ǵady. Keshkisin bizge esik-terezeni jaýyp sol kisilerdiń shyǵarmalaryn oqyp beretin», deıdi M.Áýezov.

Kishi Áýezovtiń tanymynda Muhań ol úshin áke ǵana emes, uly ustaz. Tek halqyna ǵana emes, balalaryna, otbasyna ustaz bola bildi. «Ápkem Láılá Muhtarqyzy kórnekti tarıhshy ǵalym. Baýyrym Ernar qustyń qarashyǵyn zerttegen, dúnıe júzine ataǵy shyqqan ǵalym-ornıtolog. Máskeýge oqýǵa baryp, mamandyq tańdaǵanymda ákem jol kórsetti. О́te balajan edi», deıdi Murat Muhtaruly.

Qazaq tilin jetik bilmegenimen, ol ózin «qazaq tiline oralǵan adammyn» dep sanaıdy. «Orystildi bolsam da júregim qazaq dep soq­qan. Ýaqyt óte qazaq tilin meńgerýdi jón sanadym. Bul jerde jalǵyz men ǵana emes, qasymdaǵy dostarymmen birigip úı­renýge bel býdyq. Sonda qaısymyz oryssha sóılep qoısaq, bes tıynnan aıyppul tóleımiz dep kelistik. Solaı qazaq tiline orala bastadyq», deıdi qazaqtyń uly tul­ǵa­synyń urpaǵy.

ALMATY