Premer-mınıstr Álıhan Smaıylovtyń tóraǵalyǵymen ótken keńeste taý-ken metallýrgııa kesheni men gaz salasyn damytý máseleleri qaraldy, dep habarlaıdy Egemen.kz Úkimet basshysynyń baspasóz qyzmetine silteme jasap.
Keńeske qatysýshylar perspektıvaly gaz jáne gaz kondensaty ken oryndaryn ıgerý, ónerkásiptik kásiporyndardy otynmen qamtamasyz etý sharalary, shıkizatty tasymaldaý úshin temirjol ınfraqurylymyn damytý jáne basqa da birqatar ózekti máseleni qarady.
Sonymen qatar keńeste qys mezgilinde halyqty kómirmen qamtamasyz etý máselesi jan-jaqty talqylandy.
Premer-mınıstr ótken jylytý maýsymdaǵy tájirıbege súıene jáne sıfrlyq sheshimderdi paıdalana otyryp, otyndy satýdyń ashyq naryqtyq mehanızmin ázirleý qajettigin aıtty. Bul tásil saýda-sattyqty retteýge, kómirdi tutynýshylar arasynda birkelki bólinýin qamtamasyz etýge jáne suranys artqan kezeńde baǵanyń negizsiz kóterilýine jol bermeıdi.
Keńeske ortalyq memlekettik organdardyń, «Qazaqstan temir joly» jáne «QazaqGaz» ulttyq kompanııalarynyń, sondaı-aq ERG kompanııasynyń basshylary qatysty.