22 sáýirden bastap Astanada Abylaı han dańǵyly boıyndaǵy Pýshkın kóshesinen Manasqa deıin qoǵamdyq kólikter jolaǵymen avtokólikterdiń júrýine arnaıy ýaqyt belgilendi, dep habarlaıdy Egemen.kz qala ákimdigine silteme jasap.
Avtokólikterge tek senbi, jeksenbi jáne mereke kúnderi Bus Lane-de júrýge ruqsat beriledi. Al jumys kúnderi saǵat 6.30-dan 20.00-ge deıin qoǵamdyq kólikterden basqa barlyq kólikterge arnaıy jolaqpen júrýge tyıym salynady.
«Bul turǵyndarǵa qolaıly jaǵdaı jasaı otyryp, jedel járdem, arnaıy qyzmetter men órt sóndirý tehnıkalarynyń esh kedergisiz jetip, jyldam qyzmet kórsetýi úshin engizilip otyr», dep túsindirdi elordanyń Kólik jáne jol ınfraqurylymyn damytý basqarmasy.
Sonymen qatar, jańa ereje avtobýstardyń belsendi jumys isteıtin ýaqytynda jáne demalys kúnderi synaq rejıminde engizildi.