«Qazgıdromet» RMK sınoptıkteri 24 sáýirge arnalǵan aýa raıy boljamyn usyndy. Sınoptıkterdiń boljamyna qaraǵanda, erteń jel kúsheıip, tuman túsedi. Respýblıkanyń ońtústiginde, ońtústik-batysynda shańdy daýyl soǵady, dep habarlaıdy Egemen.kz.
Respýblıkanyń basym bóliginde atmosferalyq frontaldy bólikterdiń ótýi áserinen jańbyr jaýady, soltústikte, shyǵysta, ońtústikte naızaǵaı oınaıdy. Qazaqstan boıynsha jel kúsheıip, batysta, soltústikte tuman, al ońtústikte, ońtústik-batysta shańdy daýyl bolady.
Aqmola oblysynyń batysynda naızaǵaı, tuman kútiledi. Jel ońtústik-batystan soltústik-batysqa aýysady, oblystyń batysynda, soltústiginde, shyǵysynda ekpini 15-20 m/s.
Mańǵystaý oblysynyń ońtústiginde, shyǵysynda, ortalyǵynda shańdy daýyl kútiledi. Soltústik-shyǵystan soǵatyn jel ońtústik-shyǵysqa aýysady, kúndiz oblystyń ońtústiginde, shyǵysynda, ortalyǵynda 15-20 m/s kútiledi.
Astanada soǵatyn jel ońtústik-batystan soltústik-batysqa aýysady, kúndiz ekpini 15 m/s bolady.
Batys Qazaqstan oblysynyń soltústik-batysynda, shyǵysynda tuman kútiledi.
Soltústik Qazaqstan oblysynyń batysynda, ońtústiginde naızaǵaı kútiledi. Oblystyń ońtústik-shyǵysynda shańdy daýyl bolady. Soltústik-batystan jel soǵady, túnde oblystyń soltústiginde ekpini 15-20 m/s jel soǵady.