Buǵan deıin Almaty saıabaǵynda basy kesilgen áıel adamnyń máıiti tabylǵany týraly habar taraǵan edi. Jedel ýákilder kelinshekti qatygezdikpen óltirdi degen kúdikke ilingen er adamdy ustady, dep habarlaıdy Egemen.kz.
Polısııa qyzmetkerleri naqtylaǵandaı, kúdikti jábirlenýshimen tek birneshe kún ǵana tanys boldy, al qylmys janjal kezinde jasalǵan.
«Sottyń sanksııasymen 1962 jyly týǵan azamat qamaýǵa alyndy», dep habarlady Almaty PD baspasóz qyzmeti.
Atalǵan iske qatysty tıisti saraptamalar taǵaıyndaldy.
Eske sala ketsek, 12 sáýirde saǵat 8:40-ta polısııaǵa Sholohov kóshesindegi qaraýsyz qalǵan ǵımarattan áıeldiń máıiti tabylǵany týraly habarlama tústi. Jedel-tergeý toby oqıǵa ornyn tekserip, máıittiń basy kesilgenin anyqtaǵan. Keıinirek belgisiz er adam áıeldiń basy salynǵan dorbany jaqyn mańdaǵy dúkenderdiń birine qaldyryp ketkeni habarlandy.