Eýrazııa ulttyq ýnıversıtetiniń «Dala sazy» halyq aspaptar orkestri jańa shyǵarmashylyq shyńdardy baǵyndyryp jatyr, dep habarlaıdy Egemen.kz Ǵylym jáne joǵary bilim mınıstrliginiń baspasóz qyzmetine silteme jasap.
Qazaqstan stýdentteri Open Italy ashyq halyqaralyq aspaptyq mýzyka baıqaýynda «Folk instrument» atalymy boıynsha úzdik atandy.
О́ner dodasyna 34 eldiń ókilderi qatysty. Halyqaralyq baıqaý 2023 jyldyń 23 sáýirinde Italııanyń Pezaro qalasynda bastaldy. Osymen 15-shi ret ótken óner dodasyna 34 eldiń ókilderi qatysty.
EUÝ orkestriniń quramynda 10 stýdent óner kórsetti. Olar Qýanysh Núkishevtiń «Shabyt» jáne Qurbanıonnyń «Naýaı shark» atty eki týyndysyn oryndady. Qazaqstandyq stýdentterdiń mýzykalyq ónerlerin halyqaralyq baıqaýdyń qazylar alqasy joǵary baǵalady.
EUÝ orkestri 19-21 jas aralyǵyndaǵy sanatta «Ulttyq aspaptar» atalymy boıynsha I orynǵa laıyq dep tanyldy. Bas júldeni qazaqstandyq «Bastaý» toby alsa, bolgarııalyq «Gergana Ruseva» toby ekinshi oryn ıelendi.