Depýtat Elnur Beısenbaev Májilis otyrysynda statıstıka málimetteri men shynaıy kórsetkishterdiń sáıkes kelmeıtinin aıtyp, másele kóterdi, dep habarlaıdy Egemen.kz.
Elnur Beısenbaev statıstıka bıýrosy málimetterine sensek, ortasha jalaqy Eýropadan kem emes ekenin aıtady. Sondaı-aq ol aspandap turǵan azyq-túlik baǵasyna toqtaldy.
«Dál qazir qazaqstandyqtardyń basty problemasy azyq-túlik baǵasynyń sharyqtaýy. Qymbatshylyq qarapaıym halyqty alqymdap tur. Biraq ulttyq statıstıka bıýrosy 10 jumyrtqa 490 teńge, aırannyń lıtri 390 teńge, pııaz 182 teńge al qııar men qyzanaq baǵasy 1000 teńgeniń kóleminde deıdi. Al shyn máninde baǵa budan bir jarym ese qymbat», dedi ol.
Sonymen qatar depýtat statıstıka sıfrlaryna qarapaıym halyqtyń senbeıtinin aıtty.
«Eń tómengi jalaqy 70 myń teńgeni quraıtyn qoǵamda ortasha jalaqy odan 5 esege kóp bolýy múmkin emes. Oǵan qosa osydan bir jyl buryn Memleket basshysy halqymyzdyń jartysynyń aılyq tabysy 50 myń teńgeden aspaıtynyn kórsetken bolatyn. Iаǵnı ınflıasııanyń ósýi ekonomıkalyq táýekelderdiń artýy jaǵdaıynda halyq tabysy kúrt artty degenge eshkim sendeıdi», dedi E. Beısenbaev.