Memleket basshysy Qasym-Jomart Toqaevtyń tóraǵalyǵymen Qazaqstan halqy Assambleıasynyń «Ádiletti Qazaqstan: birlik, turaqtylyq, damý» atty HHHII sessııasynyń otyrysy ótip jatyr, dep habarlaıdy Egemen.kz.
«Árbir azamat birlikti nyǵaıtý úshin qyzmet etýi kerek. Bul qyzmet eshqashan toqtamaıdy, úzdiksiz jalǵasa beredi. О́ıtkeni birlik bolsa ǵana, tirlik bolady. Biz osy myzǵymas qaǵıdaǵa árdaıym adal bolýymyz kerek. Tatýlyq pen kelisimniń erekshe mańyzdy ekenin jurttyń bári birdeı sezinbeýi múmkin», dedi Prezıdent.
Budan soń, ol «Assambleıanyń qajeti joq» degen kúmándi pikirlerge jaýap berdi.
«Keıde «Assambleıanyń qajeti joq» degen ushqary, ıaǵnı kúmándi pikirler aıtylyp jatady. Shyn máninde, Assambleıa – memlekettiligimizdiń irgesin bekitip turǵan basty ınstıtýt. Onyń aıtýynsha, Qazaqstan halqy Assambleıasy – birligimizdi nyǵaıtýǵa qyzmet etetin biregeı qurylym. Assambleıa qasıetti qazaq jerin meken etken barsha etnosty uıystyryp otyr. Onda eńbek etip júrgen azamattardy birliktiń elshisi deýge bolady», dedi Memleket basshysy.