Bas prokýrordyń tapsyrmasy boıynsha Mańǵystaý oblysyna ortalyq apparattyń tájirıbeli qyzmetkerleri qatarynan qurylǵan jumys toby bardy, dep habarlaıdy Egemen.kz.
«Jumys tobynyń aldynda «О́zenmunaıgaz» AQ-da tenderlerdi ótkizý kezinde zańdylyqtyń saqtalýy jáne ashyqtyqtyń qamtamasyz etilýi máselelerin zerdeleý mindeti tur. Merdiger uıymdardyń qyzmetkerleri bul máseleni jıi kóterip, ony eńbek jaǵdaılarynyń nasharlaýymen jáne jalaqynyń tómendeýimen baılanystyratyny belgili.
Osyǵan baılanysty qadaǵalaý vedomstvosynyń qyzmetkerleri «О́zenmunaıgaz» AQ-nyń qarjy-sharýashylyq qujattamasyn jáne satyp alýlaryn yqtımal buzýshylyqtar men sybaılas jemqorlyq táýekelderiniń bolýy turǵysynan taldaıdy», delingen Bas prokýratýranyń baspasóz qyzmeti taratqan málimette.
Sonymen qatar Jańaózen qalasynyń jáne jalpy Mańǵystaý oblysynyń áleýmettik-ekonomıkalyq damýyna taldaý júrgiziledi.
Taldaýmen ınjenerlik ınfraqurylym jáne turǵyn úı qurylysy, kásipkerlik, mádenıet, sport, týrızm jáne agroónerkásiptik keshendi damytý, densaýlyq saqtaý júıesin jetildirý salalaryndaǵy problemalyq máseleler, sondaı-aq óńir úshin basqa da mańyzdy baǵyttar qamtylýda.
Júrgizilgen jumystyń nátıjeleri keıinirek jarııalanady.