Ispanııadaǵy «WTA 1000» jáne «ATP 1000» sanatyndaǵy «Masters» jarysyna qatysqan Qazaqstan tennısshileri sátsizdikke ushyrap, týrnırdiń ekinshi aınalymynan árige asa almady.
Erler arasyndaǵy básekede jarys jolyna shyqqan Qazaqstannyń birinshi raketkasy Aleksandr Býblık ekinshi aınalymda álemniń jetinshi raketkasy danııalyq Holgerý Rýnemen sheberlik baıqasyp, úsh setke jalǵasqan tartysty matchta – 1:6, 6:4, 6:7(9:11) esebimen jeńilip qaldy. Báseke eki saǵat bes mınýtqa sozyldy.
Al qyzdar arasyndaǵy el úzdigi – Elena Rybakına dúnıejúzilik reıtıngte 62-orynda turǵan 24 jastaǵy reseılik Anna Kalınskaıanyń osal tusyn taba almady. Bul kezdesý de úsh setke jalǵasyp, reseılik tennısshi 5:7, 6:4, 2:6 esebimen basym tústi. Sonymen qatar Iýlııa Pýtınseva fransııalyq Karolın Garsııadan (5-oryn) eki sette jeńilse (3:6, 4:6), juptyq syndaǵy otandasymyz Anna Danılına majarstandyq Tımeeı Baboshpen birge Marte Kostıýk (Ýkraına) pen Elene Rýze (Rýmynııa) jubyna jol berdi – 4:6, 6:4, 10:12.