О́skemenniń «Altaı» voleıbol klýby Vetnamnyń Vınfýk qalasynda jalaýy jelbiregen klýbtar arasyndaǵy Azııa chempıonatynyń toptyq kezeńinen shyǵa almady.
2021 jylǵy Azııa chempıondary sońǵy týr oıynyn Gonkongtiń «Hıp Hın» klýbymen ótkizip, úsh partııada 25:14, 25:8, 25:12 esebimen tize búktirdi. О́kinishke qaraı, bul jeńis «Altaı» klýbynyń jartylaı fınalǵa shyǵýyna jetkiliksiz boldy. Sebebi qatar ótken ekinshi matchta Taılandtyń «Daıamond Fýd Faın» komandasy qytaılyq «Lıaonın Donhýa» ujymynan aılasyn asyryp, jartylaı fınaldyń sońǵy joldamasyn qaǵyp áketti.
Iýrıı Panchenko jattyqtyratyn «Altaı» klýby qurlyq dodasynyń «V» tobynda «Lıaonın Donhýa» (Qytaı), «Hıp Hın» (Gonkong), «Hývsgýl Erchım» (Mońǵolııa) jáne «Daıamond Fýd Faın» (Taıland) komandalarymen synǵa tústi.